Grupi parlamentar i Partisë Socialiste është mbledhur sot në Elbasan, në një mbledhje që do të fokusohet te sfidat e këtij sesioni parlamentar dhe strategjia që do ndiqet për zgjedhjet e përgjithshme në 2025.

Mbledhja është hapur nga kryetari i grupit parlamentar, Niko Peleshi, për të vazhduar fjalën e tyre kryetarja e Kuvendit, Elisa Spiropali, dhe ministri i Shtetit për Marrëdhëniet me Parlamentin, Taulant Balla.

Mësohet gjithashtu se deputetët do të njihen me punën e deritanishme të Komisionit Antikorrupsion dhe Komisionit për Dezinformimin. 

Po ashtu porosia për ministrat dhe deputetët do të jetë përqendrimi i komunikimit të tyre me qytetarin përballë dhe përmes rrjeteve sociale.

Një çështje e rëndësishme diskutimi në mbledhjen e grupit parlamentar të PS-së është edhe integrimi i Shqipërisë. 

Kryeministri Rama pritet t’i bashkohet mbledhjes rreth orës 14:00.

Gazetar: Enes Molla

/rtsh.al/