Hamasi ka paralajmëruar se asnjë peng i vetëm nuk do të largohet “i gjallë” nga territori nëse nuk plotësohen kërkesat e grupit.

“As armiku fashist dhe lidershipi i tij arrogant… as mbështetësit e tij… nuk mund t’i marrin të burgosurit e tyre të gjallë pa shkëmbim dhe negociata dhe pa përmbushur kërkesat e rezistencës”, tha në një televizion Abu Obeida, zëdhënës i krahut të armatosur të Hamasit, duke iu referuar lirimit të të burgosurve palestinezë të mbajtur nga Izraeli.

 Një armëpushim një javor në luftën që u shemb më 1 dhjetor, bëri që 105 pengje të mbajtura nga grupi të lirohen, duke përfshirë 80 izraelitë të liruar në këmbim të 240 të burgosurve palestinezë. Izraeli të shtunën tha se 137 robër mbetën në territorin palestinez.

Ai tha se “armëpushimi i përkohshëm vërtetoi besueshmërinë tonë” dhe tha se luftëtarët e tij kishin shkatërruar pjesërisht ose plotësisht 180 transportues të personelit, tanke dhe buldozerë izraelitë në 10 ditë që nga rifillimi i luftimeve në Gaza.

/rtsh.al/