Interpol, Europol dhe Eurojust me ndihmën e Shërbimit të Bashkëpunimit Ndërkombëtar Policor kanë goditur një organizatë të strukturuar kriminale, duke çuar në ekzekutimin e 83 masave të sigurisë.

Pas hetimeve 2-vjeçare, operacioni policor i zhvilluar në të gjithë Italinë, çoi në arrestimin e 68 personave: në Shqipëri, Itali, Gjermani, Spanjë, dhe Mbretërinë e Bashkuar, dhe ndaj 12 të dyshuarve të tjerë u ndërmorën masa të tjera parandaluese në Itali. Rrjeti kryesisht trafikonte heroinë, kokainë, hashash duke përdorur makina me dysheme të dyfishtë ose ndarje të fshehta.

Vitin e kaluar, gjatë një operacioni kundër të njëjtit grup të krimit të organizuar u arrestuan në Shqipëri 21 shtetas shqiptarë. Ky operacion çoi gjithashtu në sekuestrimin e një sasie narkotikësh me vlerë prej 2.7 milionë eurosh.

Operacioni i sotëm ka çuar në sekuestrimin e pasurive në vlerën 5 milionë euro. Në Shqipëri janë sekuestruar: 32 subjekte tregtare, 45 automjete, 4 motomjete, mbi 200 llogari bankare, 19 pasuri te paluajtshme.

Hetimi u zhvillua midis viteve 2019 dhe 2021, kur një 42-vjeçari shqiptar iu sekuestrua në Piazza Muratori në Firence 2 ​​kilogramë marijuanë. Ai ishte një trafikant i shquar me lidhje në Holandë, Francë dhe Spanjë dhe duke ndjekur lëvizjet e tij u bë e mundur të rindërtohej rrjeti i tij kriminal. Gjatë aktiviteteve, u shfaqën lidhjet mes kësaj organizate të parë kombëtare me një tjetër, po nga Firence, e cila merrte sasi të mëdha hashashi dhe marihuanë nga Shqipëria, të transportuara me gomone në Grotte di Castro (Lecce) dhe më pas prej andej, në rrugë, në Firence, në zonën Campo di Marte, nga ku shiteshin në Itali dhe Gjermani.

Akuza më e rëndë ka të bëjë me 28 persona (shoqatë kriminale transnacionale që synon trafikun e drogës), për 68 të tjerë ka transport ose shitje të të njëjtave lëndë (13 prej tyre në gjendje të lirë, me hipotezën e subjektit të mitur narkotrafiku).

/rtsh.al/