Irani sulmon vendet fqinje, shtetet e Gjirit Persik raportojnë shpërthime të reja

Uncategorized | 6 muaj më parë

“Shtetet e Gjirit janë të unifikuara në thirrjet për një ulje të tensioneve në luftën në Lindjen e Mesme”. Kjo është deklarata e fundit nga Katari, ndërsa Teherani nisi sulme të reja kundër fqinjëve të tij duke synuar infrastrukturën e hidrokarbureve në vendet e pasura me naftë të atij rajoni.

Të paktën dy shpërthime të forta tronditën kryeqytetin saudit Riadin, ndërsa Dubai raportoi se 4 persona u plagosën nga mbetjet e një rakete që ra mbi një zonë të banuar në jug të vendit.

Më herët, Irani goditi me dron një cisternë nafte të Kuvajtit në portin e qytetit të dytë më të madh të Emirateve të Bashkuara Arabe. Nuk u raportuan për të lënduar nga sulmi ndaj anijes me një ngarkese prej 2 milionë fuçish nafte, me destinacion Kinën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.