Propozimet e Kryeministrit Edi Rama për ndryshimet në kabinetin e tij qeveritar, gjatë Asamblesë Socialiste, tashmë kanë mbërritur në presidencë për dekretim.

Presidenti, Bajram Begaj do të duhet që pasi të kthehet nga vizita e tij zyrtare në Kazakistan, të shtunën e 9 shtatorit, të marrë në shqyrtim propozimet e ministrave të rinj, të cilët marrin detyrën pas betimit. Procedurialisht betimi i ministrave të rinj duhet të ndodhë 48 orë, kohë që përkon me nisjen e seancës së ardhshme parlamentare.

Në  4 shtator, Asambleja e Partisë Socialiste vendosi:

Ministër Financash, Ervin Mete

Ministër të Jashtëm, Igli Hasani

Ministër Arsimi, Ogerta Manastirliu

Ministër Shëndetësie, Albana Koçiu

Ministër  Bujqësie, Anila Denaj

Ministër për Sipërmarrjen, Delina Ibrahimaj

Ministër për Pushtetin Vendor, Arbjan Mazniku

Kryeministri Rama tha se emrat e rinj ministrorë, pritet të sjellin një qasje dhe frymë të re qeverisëse.

Gazetare: Denada Shkodrani

/RTSH/