Kartagjena mund Levanten, vendos Sadiku

Spanjë | 4 vite më parë

Armando Sadiku ka arritur të gjejë rrugën e rrjetës në ligën e dytë në Spanjë teksa skuadra e tij, Kartagjena ka marrë një fitore 1-0 përballë Levantes. Sulmuesi shqiptar e nisi ndeshjen nga stoli, por në minutën e 22-të të takimit u hodh në fushën e lojës në vend të Ortunos të dëmtuar.

Në fundin e pjesës së parë, me asistimin e Datkovic, Sadiku arriti të dërgojë topin në rrjetë. Në vazhdim, goli i shënuar nga sulmuesi shqiptar mbeti vendimtar dhe vendos fatin e kësaj sfide. Tri pikë të arta për Kartagjenën në një fushë të vështirë si ajo e Levantes që mbajnë firmën e sulmuesit shqiptar, goli i dytë për të në 6 ndeshje.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.