Qëkur hyri në fuqi Reforma në Drejtësi, presidentit të Republikës i është besuar organizimi i shortit publik për zgjedhjen e 9 anëtarëve të rinj të Këshillit të Emërimëve në Drejtësi.

Çdo fillim dhjetori ky Këshill rinovohet në përbërje me prokurorë e gjyqtarë që vijnë si propozime nga Gjykata e Lartë, Gjykata Kushtetuese, Prokuroria e Përgjithshme, Gjykata e Apelit.

Këshilli i Emërimeve në Drejtësi është organ i pavarur që verifikon përmbushjen e kushteve ligjore dhe vlerëson kriteret profesionale e morale të kandidatëve për anëtarë të Gjykatës Kushtetuese dhe kandidatëve për Inspektor të Lartë të Drejtësisë.

Ky Këshill do të jetë hera e pare që pas krijimit që do të ketë një vit të qetë për shkak se vendet në Gjykatën Kushtetuese dhe pozicioni i Inspektorit të Lartë të Drejtesisë janë plotësuar.

Nga hedhja e goglave në shortin e rastësishëm rezultoi se anëtarët e rinj te KED-së janë nga Gjykata Kushtetuese.

Elsa Toska, anëtare që rizgjidhet në këtë post, ndërsa Sonila Bejtja dhe Marjana Semini do të jenë anëtarë për herë të parë.

Po kështu nga Gjykata e Larta u zgjodhen dy emra të rinj, Sokol Ngresi që do të jetë edhe kryetar i KED-së dhe Dariel Sina si anëtar zëvendësues.

Nga Prokuroria e Përgjithshme u zgjodh Alma Muca, anëtare dhe Arqilea Koca si zëvendësuese.

Nga Gjykata e Apelit të Juridiksionit të Përgjithshëm

Irena Brahimi-anëtare

Altina Nasufi-anëtare

Ilirjana Olldashi-zëvendësuese

Prokuroria e Apelit të Jurdiksionit të Përgjithshëm

Lazër Çardaku-anëtar

Genti Xholi-anëtar

Irma Balli-zëvendësuese

Gjykata Administrative

Ramiz Lala-anëtar

Besart Kaçkini-zëvendësues

Ky është Këshilli i shtatë që zgjidhet që nga hyrja në fuqi e ligjeve të Reformës në Drejtesi.

Gazetare: Sonila Agostini

/rtsh.al/