Komisionieri për Zgjerimin e BE-së Oliver Varheley i ka kërkuar sërish brenda dy ditësh kryeministrit shqiptar Edi Rama të presë përgjigjen e Komisionit të Venecias, për Kodin Zgjedhor, para se parlamenti të rimiratojë ligjin për Kodin Zgjedhor. Sipas një postimi në Twitter, zoti Varheley thotë se do të ishte maturi pritja e kësaj përgjigjeje përpara se të bëhet rivotimi në parlament.
Një ditë më parë zoti Rama deklaroi se nuk do të tërhiqej nga rrëzimi i dekretit të presidenti Ilir Meta, për të cilin ai tha se është i angazhuar si një ekstremist kundër parlamentit shqiptar. “Mendimi i Venecias është gjithnjë i mirëseardhur, por për një ligj të votuar dhe të refuzuar nga Presidenti, procedura është e qartë: Refuzimi i Presidentit pranohet ose rrëzohet nga parlamenti! PARLAMENTI DO TË RISHPREHET PA HUMBUR ASNJË DITË!” u shpreh të hënën kryeministri Rama.