Krimet zgjedhore- SPAK: 115 kallëzime, 35 procedime penale të regjistruara
115 kallëzime për krime zgjedhore janë regjistruar në SPAK nga partitë politike, qytetarët, Platforma Online, e referime nga Policia e Shtetit.
Prokuroria e Posaçme ka bërë me dije se 25 prej këtyre kallëzime janë depozituar nga partitë politike, ndërsa thekson se janë regjistruar 35 procedime penale, 8 prej të cilave janë të iniciuara nga vetë SPAK.
“Janë regjistruar 115 materiale kallëzuese, ku përfshihen:
• Kallëzime nga subjekte politike
• Referime nga Policia e Shtetit
• Të iniciuara kryesisht nga Struktura e Posaçme kundër Korrupsionit dhe Krimit të Organizuar
• Denoncime nga Platforma Online
• Denoncime nga qytetarët
• Materialet kallëzuese nga subjektet politike janë 25.
• Në platormën online kanë mbërritur 35 materiale kallëzuese
•Janë regjistruar 35 procedime penale.
•Dhe nga këto procedime, 8 prej tyre janë të regjistruara kryesisht – dmth të iniciuara nga SPAK”, thuhet në njoftim.
SPAK ka ngritur zyrat e saj në 12 qarqe në funksion të Task Forcës për luftimin e krimeve zgjedhore. Kujtojmë se Komisioni Qendror i Zgjedhjeve ka firmosur një protokoll me SPAK dhe Prokurorinë e Përgjithshme, me qëllim shkëmbimin e shpejtë të informacionit për mbarëvajtjen e procesit zgjedhor.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
