Lamtumirë Afërdita Selimaj! Homazhe për gazetaren në ambientet e RTSH ku punoi për 4 dekada

Sociale | 3 vite më parë

Gazetarja Afërdita Selimaj, e cila humbi jetën një ditë më parë nga një sëmundje e rëndë, u rikthye sot për herë të fundit në ndërtesën e Radio Televizionit Shqiptar.

Kolegë miq e të afërm i kanë dhe sot lamtumirën gazetares Afërdita Selimaj, e cila u nda nga jeta pasi humbi betejën me sëmundjen e rëndë. Homazhet për Afërditën u bënë në hollin e Radio Tiranës institucioni ku ajo kaloi 40 vjet të jetës saj. Kolege e miq të saj me lot në sy kujtojnë Afërdita Selimajn si një shembull të gazetarisë.

Afërdita Selimaj do të mbahet mend për përkushtimin në emisionet sociale-ekonomike, duke kontribuar me pasion edhe në shumë fusha të gazetarisë radiofonike dhe televizive. Ajo ka qenë një ndër themelueset e gazetarisë ekonomike në Shqipëri, duke u bërë frymëzim dhe mbështetje për të gjithë gazetarët e kësaj fushe.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.