Letrat shqipe në zi, ndahet nga jeta shkrimtari, Nasho Jorgaqi

Kulturë | 4 vite më parë

Letrat shqipe kanë humbur një nga emrat më të njohur, shkrimtarin Nasho Jorgaqi. Ai është ndarë nga jeta sot pasdite në Tiranë. Nasho Jorgaqi lindi në vitin 1931 në Fier, më 30 tetor. Ai ishte shkrimtar, skenarist, hulumtues dhe studiues shqiptar, doktor i shkencave dhe “Mjeshtër i Madh i Punës”.

Jorgaqi la pas një sërë botimesh letrare, skenarë filmash, përkthimesh dhe botimesh shkencore. Disa nga veprat e tij janë “Dashuria e Mimozës”,”Ëndrra dhe plagë”, “Tomka”, “Antologji e mendimit estetik shqiptar”, “Larg dhe afër”, “Mërgata e qyqeve”, “Estetika e fjalës shqipe”, “Portrete dhe gjurmime” etj. Jorgaqi ka studiuar edhe veprimtarinë letrare të Fan Nolit, me veprën “Udhëtim me Fan Nolin”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.