Lezhë, Bashkia paralajmëron: Kujdes nga rreshjet e shiut!

Aktualitet | 3 vite më parë

Bashkia e Lezhës pas të dhënave të marra nga Shërbimi Meteorologjik, njofton se duke nisur nga mbrëmja e së shtunës, pas orës 24:00 priten reshje të dendura shiu. “Parashikohet që të ketë furtunë dhe përmbytje si pasojë e sasisë së lartë të shiut” bën të ditur bashkia në një njoftim të saj.

Bashkia thotë se Shërbimet e Emergjencave të Bashkisë Lezhë do të jenë në gadishmëri gjatë natës për të ndërhyrë në çdo rast problematik.

“Përveç masave që do të marrim ne, ju lutemi banorëve që për çdo rast emergjent të lajmërojnë në kohë reale në numrin e tel: +355 68 331 2049” njofton Bashkia e Lezhës.

Sipas hartës, stuhi shiu do të ketë edhe mbi Shkodër dhe përballë gjirit të Vlorës, në ishullin e Sazanit.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.