Liverpool dorëzohet në Anfield, 0-1 përballë Burnley

Angli | 6 vite më parë

E pabesueshme ajo që ka ndodhur në Anfield. Liverpool është mundur në shtëpi nga Burnely dhe zyrtarisht mund të cilësohet si një skuadër që është përfshirë nga kriza. Reds ndështuan për të pestën herë radhazi për të “përqafuar” fitoren, periudhë gjatë së cilës kanë grumbulluar vetëm tri pikë.

Sfida e sotme u vendos nga një goli i shënuar nga pika e penalltisë nga Barnes në minutën e 83-të. Për të dhënë një ide të impaktit që ka dhënë kjo humbje, mjafton të kujtosh se Liverpool nuk humbiste prej 68 ndeshjesh në shtëpi, që nga 23 prilli 2017 kundër Crystal Palace 1-2.

Skuadra e trajnerit Jurgen Klopp tashmë ndodhet e pozicionuar në vendine katërt në klasifikim. Tashmë Manchester City e Leicester janë +4(City ka një ndehsje më pak), ndërsa Manchester United është +6.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.