“Lotus” do të shkurtojë rreth 200 vende pune

Ekonomi | 3 vite më parë

Kompania e prodhimit të makinave Lotus ka vendosur të shkurtojë 200 vende pasi raportoi humbje të mëdha. 

Në vitin 2022, Kompania me seli në Norfolk të Britanisë së Madhe rapportoi një humbje prej 145.1 milionë paundësh, ndërkohë që në 2021-in, kishte raportuar një humbje prej 86.6 Milionë paundësh. 

Kompania njoftoi se do të restrukturonte krahun e punës, ç’ka mund të përfshinte shkurtimin e deri 200 vendeve të punës. 

“Ne gjithashtu do të shohim nëse do të mund të ridislokojmë stafin dhe do të fokusohemi tek moslargimi i punonjësve që kanë njohuri dhe aftësi specifike, pavarëisht propozimit për reduktim të vendeve të punës”, u shpreh Lotus, e cila zotërohet nga kompania kineze Geely. 

Gazetare Elda Pepa

/ rtsh /


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme