Lufta me Rusinë/ Papa i beson kardinalit misionin e paqes në Ukrainë

Botë | 3 vite më parë

Papa Françesku i ka besuar Kardinalit Matteo Zuppi, Kryepeshkopit të Bolonjës dhe Presidentit të Konferencës së Ipeshkvijve Italianë, udhëheqjen e një misioni paqeje për të kërkuar shuarjen e konfliktit në Ukrainë.

Sipas drejtorit të zyrës së shtypit të Selisë së Shenjtë, Matteo Bruni, misioni synon të kontribuojë “në lehtësimin e tensioneve në konfliktin e Ukrainës, me shpresën se kjo mund të çojë drejt paqes, të cilën Ati i Shenjtë nuk e ka braktisur kurrë”, transmeton CNN.

Në deklaratë thuhet më tej se Vatikani është ende duke menduar se si dhe kur Zuppi do të ndërmarrë misionin e tij për në Ukrainë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.