Lufta në Gaza- Netanyahu: Nuk ka asnjë marrëveshje për lirimin e pengjeve

Botë | 3 vite më parë

Kryeministri izraelit, Benjamin Netanyahu thotë se ende nuk ka marrëveshje për lirimin e disa prej pengjeve të kapur nga Hamasi gjatë sulmeve të grupit militant të 7 tetorit.

Netanyahu mohoi ato që ai i quajti raportet e rreme se Izraeli po shqyrtonte një propozim për lirimin e të paktën 50 të rrëmbyerve.

“Kur qeveria të ketë diçka për të thënë, autoritetet do ta raportojnë atë”, tha ai ndërsa theksoi se ka ftuar përfaqësuesit e familjeve të pengjeve në një takim me kabinetin e luftës të Izraelit më vonë këtë javë.

Izraeli, Hamasi dhe Shtetet e Bashkuara, me shtetin e Gjirit të Katarit që vepron si ndërmjetës, kanë luftuar për të arritur një marrëveshje për një pauzë për të lejuar lirimin e pengjeve, por mesa duket ende nuk ka është arritur asgjë. CNN

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.