Drejtuesi politik i Koalicionit Euroatlantik, Lulzim Basha, ka votuar sot në qendrën e votimit nr. 13 në Tiranë, i shoqëruar nga vajza e tij Dafina, e cila votoi për herë të parë.

Në një deklaratë pas votimit, Basha përcolli një mesazh për qytetarët dhe veçanërisht për të rinjtë, duke i ftuar të shfrytëzojnë të drejtën e tyre kushtetuese për të votuar.

“Ju uroj një ditë të paqtë të gjithë qytetarëve shqiptarë dhe u bëj thirrje t’i drejtohen kutive të votimit për të ushtruar një të drejtë që është luftuar kaq shumë të drejtën për të zgjedhur. E kam këtë ftesë veçanërisht për brezin e ri në këtë ditë shumë të veçantë për mua, ku vajza ime Dafina voton për herë të parë. I them brezit të ri: sot keni një të drejtë të çmuar për të ushtruar. Dilni nga shtëpia, rezervoni pak kohë dhe votoni për veten tuaj, për të ardhmen tuaj, për vendin tuaj. Besoni tek Shqipëria, besoni tek vetja juaj, besoni tek e ardhmja”, u shpreh Basha.

/rtsh.al/