Mali i Pashtrikut është një nga destinacionet turistike më të frekuentuara në Qarkun Kukës, pjesë e Bashkisë Hasit.

Prefekti i Qarkut Kukës, Agron Geca ka kërkuar që ky mal të shpallet Zonë e Mbrojtur.

“Pashtriku është një zonë më një histori shumë të madhe, një trashëgimi kulturore. Gjysma është në territorin shqiptar ndërsa gjysma tjetër në atë të Kosovës. Pjesa nga Kosova është Zonë e Mbrojtur ndërsa sugjeroj edhe nga jonë shpalljen e saj si Zonë e Mbrojtjes.

Geca thekson se Mali i Pashtrikut përveç bukurive natyrore mbart dhe vlera historike e fetare.

Pashtriku është zonë e famshme malore në rrethin e Hasit që dallon për shkëmbinjtë e mëdhenj gëlqeror që i japin një pamje shumë të bukur malit.

Majat e malit të Pashtrikut formojnë kufirin midis Kosovës dhe Shqipërisë, ku përgjatë tyre kalon dhe lumi Drini i Bardhë.

Gazetare: Shkurte Elezaj

/rtsh.al/