Marrëveshja që u nënshkrua mes Shqipërisë e SHBA-ve, Blinken-Ramës: Vlerësojmë shumë lidershipin tuaj!

Politikë | 5 vite më parë

Sekretari amerikan i Shtetit, Antony Blinken, u takua sot me kryeministrin, Edi Rama në Bruksel, ku nënshkruan një marrëveshje të rëndësishme, SHBA-Shqipëri për koordinimin e teknologjisë 5G.

“Faleminderit për punën që kemi bërë së bashku. Jemi mirënjohës për punën e përbashkët që ka bërë Shqipëria dhe SHBA, përfshirë këtu edhe Defender 21. Ky partneritet po bëhet më i fortë dhe më i thellë dhe ne e vlerësojmë shumë lidershipin tuaj”, tha sekretari Blinken.

Sekretari Blinken ndodhet në Evropë për të shoqëruar Presidentin e SHBA, Joe Biden, gjatë vizitave të tij në Britaninë e Madhe, Belgjikë e Zvicër. Zoti Blinken do e shoqërojë presidentin Biden edhe në Samitin e NATO-s më 14 qershor, si dhe në Samitin SHBA-BE më 15 qershor.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.