Merkel: Brukseli duhet të ketë kompetenca më të mëdha në vendimmarrjen shëndetësore

Botë | 6 vite më parë

Kancelarja gjermane Angela Merkel bëri thirrje që Europës t’i jepet fuqi më e madhe vendimmarrëse në çështjet shëndetësore, pas përvojave të pandemisë.

“Nëse është e nevojshme, traktatet e BE duhet të ndryshohen”, tha Merkel gjatë një diskutimi në internet të Partisë Popullore Europiane në lidhje me të ardhmen e Europës.

“Unë besoj se Europa ka nevojë për më shumë kompetenca në fushën e shëndetit. Ndoshta edhe ju duhet të ndryshoni traktatet për këtë. Unë kam qenë gjithmonë e hapur ndaj ndryshimeve të traktateve, nëse ato kanë kuptim. Ky nuk është një qëllim në vetvete”, shtoi ajo.

Kancelarja përsëriti gjithashtu mbrështetjen e saj ndaj strategjisë së vaksinimit të BE-së.

Merkel theksoi se vendimi për t’i blerë vaksinat përmes Brukselit ishte “absolutisht i drejtë”./ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.