Ministria e Jashtme e Serbisë thirri ambasadorin e Shqipërisë në Beograd, Ilir Boçka, për t’i dorëzuar një shënim proteste mbi deklaratat e fundit që autoritetet serbe i shohin si provokuese të Shqipërisë së Madhe. Media serbe shkruan se protesta vjen pasi Kryeministri shqiptar Edi Rama, foli në një seancë të përbashkët të qeverisë së tij dhe qeverisë së Kosovës, në lidhje me heqjen e kufirit midis Kosovës dhe Shqipërisë në 2 Tetor.

“Deklarata si ajo që thirret në një bashkim të Shqipërisë dhe provincës së Serbisë në Kosovë, Metohisë dhe krijimin e Shqipërisë së Madhe, janë arsye për shqetësim si për Serbinë ashtu edhe për shtetet e tjera të rajonit, të cilët janë të vendosur për të ruajtur stabilitetin dhe intensifikuar bashkëpunimin në rajon , ” thuhet në shënimin e protestës.

Zyrtarët e lartë të Serbisë po investojnë përpjekje për të zhvilluar marrëdhënie bilaterale politike dhe marrëdhënie të tjera me vendet fqinje dhe për të zgjidhur çështje për të cilat nuk janë në marrëveshje, shkruan media serbe. /rtsh.al