Gjinari, një nga destinacionet më të bukura malore të Shqipërisë, u bë sërish qendra e vëmendjes gjatë festës së organizuar për promovimin e tij.

“Miqtë e malit” mblodhi së bashku dashamirës të natyrës dhe aktiviteteve në ajër të pastër, duke ofruar një ditë të mbushur me aventura dhe argëtim.

Aktivitetet ishin të shumta dhe të larmishme. Në këndin e lojërave olimpike, të pranishmit patën mundësinë të provojnë sporte të ndryshme dhe aventura. Ndërkohë, panairi i artizanëve dhe prodhimeve agro-ushqimore tërhoqi shumë vizitorë me produkte të freskëta lokale dhe punime artizanale.

Për ata që preferojnë një përvojë më të qetë, kampingu në natyrën e bukur të Gjinarit ishte zgjedhja e duhur. Muzika live nga artistë të njohur dhe grupe lokale siguroi një atmosferë të gjallë dhe festive, duke përmbushur çdo cep të zonës me tinguj të gëzueshëm dhe energji pozitive.

Gjinari, me bukuritë e tij natyrore dhe mikpritjen e banorëve të tij, konfirmoi edhe një herë pse është një prej perlave turistike të Bashkisë Elbasan. Kjo festë ishte një mundësi e shkëlqyer për të promovuar turizmin malor dhe për të treguar potencialin e madh që ka ky rajon për tërheqjen e vizitorëve.

/rtsh.al/