Kryeministri Edi Rama ka bërë të ditur se në fshatin Mursi të Bashkisë Konispol po vijon puna për modernizimin e plotë të skemës ujitëse. Përmes një postimi në rrjetet sociale, kreu i qeverisë nëvizoi se ky projekt infrastrukturor synon të transformojë rrënjësisht mënyrën se si sigurohet ujitja për tokat bujqësore të kësaj zone.

Investimi i ri parashikon zëvendësimin e sistemeve tradicionale me infrastrukturë bashkëkohore për shpërndarjen e ujit. Ndërhyrja teknike ka për synim rritjen e eficiencës dhe uljen e shpenzimeve për fermerët lokalë gjatë sezoneve të kultivimit.

Duke i mëshuar ndikimit direkt të këtij projekti në prodhimin bujqësor, Kryeministri Rama u shpreh se “përmes rrjetit të ri të tubacioneve dhe hidranteve, fermerët do të kenë më pak humbje uji, kosto më të ulëta dhe mundësi për përdorimin e sistemeve me pika dhe shihedhës”.

Ky rrjet i ri pritet të lehtësojë punën e përditshme të fermerëve të zonës së Konispolit, duke mundësuar kalimin drejt teknologjive më kursimtare dhe më efikase të ujitjes.

/rtsh.al/