Grupimi i PD që udhëhiqet nga Lulzim Basha ka festuar 33-vjetorin e daljes së numrit të parë të gazetës “Rilindja Demokratike”.

I pranishëm në ceremoni zoti Basha premtoi se PD zotohet se do të çlirojë median nga robëria dhe lidhjet me pushtetin.

“I urojmë medias dhe punonjësve të saj një vit të mbarë dhe një vit kthese për lirinë e shtypit,” tha zoti Basha. 

Sipas tij demokratët kanë probleme jo të vogla me imazhin dhe perceptimin e imazhit. Pjesë e tij është edhe gazeta Rilindja Demokratike.

“Duhet të reflektojmë dhe kemi një vullnet dhe besim të rigjetur për të reflektuar siç jemi zotuar 33 vite më parë, për të ndërtuar ura komunikimi me shoqërinë, grupet e interesit dhe individët që përbëjnë shoqërinë shqiptare,” tha zoti Basha. 

“Zotimi im i parë sot është se PD duke nisur me shpalosjen e programit të saj në vijim zotohet se do çlirojë median shqiptare nga robëria dhe lidhjet me pushtetin që ka zhbërë misionin kryesor të medias,” u shpreh kreu i PD Lulzim Basha.

/ rtsh.al /