Organizata Botërore e Shëndetësisë ka bërë të ditur se përpjekja për të zhvendosur shumë pacientë nga spitali al-Shifa në Gaza do të ishte shumë problematike. 

Duke folur për BBC zëdhënësja e OBSH-së, Margaret Harris tha se shumë nga pacientët në spital ishin aq të sëmurë, aq të lënduar ose foshnja kaq të vogla, saqë mund t’i lëvizni vetëm me transportin aktual, jo në këmbë.

Ajo vazhdoi duke thënë se mjekët në al-Shifa e dinin se lëvizja e pacientëve nuk do të ishte e mundur nëse dikush nuk po siguronte një ambulancë të kujdesit intensiv.

“Ne po shohim gjithashtu në Gaza që disponueshmëria e shtretërve dhe shërbimeve spitalore vazhdon të tkurret ashtu si nevoja rritet në përmasa që do të ishte e pamundur të përballohej në rrethanat më normale,” tha ajo.

Më herët sot, Ministria e Shëndetësisë në Gazën e drejtuar nga Hamasi tha se 120 pacientë ishin ende në al-Shifa, së bashku me një numër të paspecifikuar të foshnjave të parakohshme.

/rtsh.al/