“Odat e Polifonisë” në edicionin e tretë, zërat e rinj të folklorit gjirokastrit në një koncert të përbashkët

Sociale | 2 vite më parë

Këngët dhe vallet folklorike të zonave etnografike të Gjirokastrës u sollën sot nga fëmijët e të rinjtë të cilët u bënë pjesë e eventit “Odat e Polifonisë”.

Ishin plot 7 grupe të organizuar në rang shkollash që me performancat e tyre na treguan se kanë arritur të trashëgojnë nga të parët tanë motivet më të bukura të folkut dhe traditave tona.

Artistët e vegjël popullorë punuan për tu paraqitur denjësisht nën drejtimin e mjeshtreve të polifonisë dhe folklorit.

Ky aktivitet që shënon edicionin e tretë organizohet nga Këshilli i Qarkut në bashkëpunim me Zyrën Vendore Arsimore me qëllim transmetimin e isopolifonisë tek fëmijët.

Në skenë u ngjitën fëmijë të moshave të ndryshme, duke nisur që nga 3-vjeçarët e deri te gjimnazistët.

Gazetare: Yllka Ponde

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.