OSBE ka apeluar për nisjen sa më parë nga puna për Reformën Zgjedhore. Nëpërmjet një një postimi në platformën X, OSBE, pasi uron nisjen e sesionit të parë parlamentar për 2024, nënvizon se duhet filluar sa më parë nga reforma zgjedhore.

“I uroj suksese Kuvendit shqiptar në fillim të seancës së re. Të etur për ta parë parlamentin si platformë për debatin politik plotësisht funksional dhe duke u fokusuar në reformat e nevojshme, duke filluar nga ajo zgjedhore, në interes të qytetarëve. Koha deri në zgjedhjet 2025 e shkurtër dhe ka shumë për të bërë”, thuhet në mesazhin e OSBE-së.

Po të hënën, dy bashkëkryetarët e komisionit parlamentar për Reformën Zgjedhore, përkatësisht, Damian Gjiknuri nga PS-ja dhe Enkeljd Alibeaj nga PD-ja, nëpërmjet një shkrese që mban firmën e të dyve, i kërkuan OSBE-së që të japë ndihmën e saj në procesin e Reformës Zgjedhore, duke i bashkangjitur ekspertë nga kjo zyrë punës së komisionit.

/rtsh.al/