Paditi Berishën për “Shpifje”, GJKKO pushon çështjen, shpenzimet gjyqësore i ngarkohen Veliajt

Politikë | 3 vite më parë

GJKKO ka vendosur të pushojë çështjen penale të ngritur nga kryebashkiaku i Tiranës, Erion Veliaj, ndaj ish-kryeministrit Sali Berisha për kryerjen e veprës penale të “Shpifjes”.

Më 2 tetor, Veliaj paraqiti pranë GJKKO-së kërkesën për gjykimin e ҫështjes penale me objekt: “Deklarimin fajtor të të akuzuarit Sali Berisha për kryerjen e kundërvatjes penale të “Shpifjes”, të kryer botërisht në dëm të viktimës akuzuese Erion Velian, parashikuar nga neni 120/2 i Kodit Penal”.

Por në seancën e 14 nëntorit, Veliaj nuk është paraqitur dhe GJKKO me trup gjykuese të përbërë nga gjyqtari Erjon Bani vendosi pushimin e çështjes dhe ngarkimin e shpenzimeve gjyqësore, Kryebashkiakut.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.