Për të 14 vit radhazi u organizua panairi “Work and Study” i cili synon informimin e të rinjve, veçanërisht maturantëve, jo vetëm me politikat e universiteteve por edhe tregut të punës. Ky panair u zhvendos në qytetin e Shkodrës. Për dhomën e Tregtisë dhe Industrisë, mesazhi  i këtij panairi duhet të jetë për bizneset dhe rritje emergjente të pagës.

Akademia e Sigurisë duket se nga viti në vit ka më shumë interes për studentët, ndërkohë që Universiteti Bujqësor i Tiranës në disa degë të tij mbetet në rrënjë.

Krahas politikave të universiteteve për tërhqjen e maturantëve, vetë të rinjtë janë mes dilemës nëse duhet të qendrojnë në Shqipëri apo të studiojnë jashtë vendit.

E veçanta e këtij prezantimi ishte edhe lidhja që një pjesë e universiteteve kanë krijuar me sektorin e biznesit, duke garantuar punësimin e të rinjve pas përmbylljes së ciklit të studimeve.

Organizimi i panairit erdhi si bashkëpunim i universiteteve, zyrës së punës, asaj të arsimit dhe Dhomës së Tregtisë.

/rtsh/