Parisi “pushtohet” nga çimkat. Pasiguri para Lojërave Olimpike 2024

Botë | 3 vite më parë

Parisi dhe qytete të tjera franceze janë “pushtuar” nga çimkat, duke provokuar një valë insektofobie dhe duke ngritur pikëpyetje për shëndetin dhe sigurinë gjatë Lojërave Olimpike të vitit të ardhshëm.

Numri i insekteve është rritur gjatë javëve të fundit dhe ky trend në rritje vijon prej disa vitesh.

“Çdo fund verë ne shohim një rritje të madhe të çimkave. Kjo për shkak se njerëzit kanë lëvizur gjatë korrikut dhe gushtit dhe i sjellin në bagazhet e tyre. Dhe çdo vit, rritja sezonale është më e madhe se e kaluara”, thotë Zhan Mishel Berenger, një entomolog në spitalin kryesor të Marsejës.

Bashkia e Parisit dhe qeveria e Presidentit Emanuel Makron (Emmanuel Macron) po bëjnë thirrje për veprim. Qeveria franceze është zotuar të ndërmarrë veprime për të “siguruar dhe mbrojtur” publikun./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.