Një aktivitet mjaft mbresëlënës që zhvillohet prej shtate vitesh, është mbajtur pranë liqenit të bukur të Seferanit në qytetin piktoresk të Belshit.

Kremtimet që vijuan gjatë gjithë ditës, në mbrëmje u spostuan në pedonalen e qytetit te Belshit, ku për të pranishmit u dha një koncert me emra të njohur të skenës, si Mariglen Hazizaj, Sokol Fejza dhe Sajmir Ahmeti.

Banorë të zonës si dhe vizitorë të shumtë u bën njësh me kremtimet, ndërsa organizatorët theksuan  se ky aktivitet ka për qëllim promovimin e resurseve të zonës së Belshit.

E shndërruar në traditë, është mbajtur edhe një edhe një sfilatë, ku vendin e parë të “Miss Afërdita 2024” e fitoi bukuroshja Ermeliona Elezi.

Sipas legjendës, çdo vit, Afërdita, perëndesha e dashurisë, bijë e Zeusit dhe e Dianës, hyjneshës së gjuetisë, zbriste mbi liqenin e Seferanit dhe përzgjidhte djalin më të bukur të zonës.

Vitet e fundit Belshi është shndërruar në një pikë strategjike për sektorin e turizmit në Qarkun e Elbasanit. Aktivitete të tilla evidentojnë potencialet e kësaj bashkie, si dhe shërbejnë si një ftesë për ta vizituar Belshin në çdo stinë.

/rtsh.al/