KQZ, për përsëritjen e zgjedhjeve për kryetar në Bashkinë Rrogozhinë, që do të zhvillohen më datë 23 Korrik 2023, u kërkon partive politike, që kanë të drejtë të paraqesin anëtarë në Grupet e Numërimit të Votave (GNV), se duhet t’i depozitojnë kandidaturat në KZAZ, jo më vonë se data 17 korrik 2023.

KZAZ-ja do të marrë vendim për emërimin e anëtarëve të GNV-ve, brenda 48 orëve nga data e dorëzimit të propozimeve.

Kurse paraqitja e kërkesës për akreditimin e vëzhguesve shqiptarë do të bëhet në Komisionin Qendror të Zgjedhjeve jo më vonë se data 17 Korrik 2023 dhe për vëzhguesit e huaj do të duhet të bëhet jo më vonë se data 17 Korrik 2023. Ndërsa akreditimi i vëzhguesve do të bëhet nga KQZ-ja jo më vonë se data 21 Korrik 2023.

Paraqitja e kërkesave për akreditim nga ana e subjekteve zgjedhore pjesëmarrëse në zgjedhje bëhet në KZAZ do të bëhet jo më vonë se data 18 Korrik 2023, kurse akreditimi i vëzhguesve bëhet jo më vonë se data 20 Korrik 2023.

Rezultatet e sondazheve zgjedhore nuk mund të publikohen gjatë 3 ditëve të fundit para datës së zgjedhjeve, përfshirë edhe datën e zgjedhjeve deri në orën e mbylljes së votimit.

Qendrat e votimit do të hapen në orën 07:00 dhe do të mbyllen në orën 19: 00. Në QV do të ketë vetëm një fletë votimit, pasi votohet vetëm për zgjedhjen e kryetarit të Bashkisë, Rrogozhinë.  

Në garë do të jenë sërish Edison Memolla i Partisë Socialiste dhe Shkëlqim Hoxha i koalicionit “Bashkë Fitojmë”. Kolegji Zgjedhor urdhëroi përsëritjen e zgjedhjeve lokale në Rrogozhinë, duke e shpallur të pavlefshëm rezultatin e votimit të 14 majit 2023.

/rtsh.al/