Protesta e demokratëve, Policia rrethon Kryesinë e Kuvendit. Berisha: Tmerrohet Rama

Politikë | 3 vite më parë

Pak para nisjes së protestës së thirrur nga grupimi i ish-kryeministrit Sali Berisha në lidhje me mbledhjen e Këshillit për Rregulloren, Mandatet dhe Imunitetin, Policia ka rrethuar Kryesinë e Kuvendit.

Këtë masë të policisë, Berisha e cilësoi si frikë nga opozita, ndërsa garantoi se beteja e Rithemelimit do të jetë pa kthim.

“Tmerrohet Rama dhe narko-qeveritarët e tij! Betejë pa kthim! Rroftë opozita”, shkruan Berisha në rrjetin social Facebook.

Në orën 11:30 para Kryesisë së Kuvendit do të mbahet protesta e demokratëve, teksa në ambientet e brendshme do të shqyrtohet nga Këshilli për Rregulloren, Mandatet dhe Imunitetin kërkesa e SPAK për arrestimin e Sali Berishës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.