PS kërkon përjashtimin e 6 deputetëve demokratë: Flakadanët në çantën e Kotit dhe Vokshit, Nallbati krijoi kaos

Politikë | 3 vite më parë

Disa prej deputetëve të Partisë Socialiste kanë kërkuar nga Komisioni i Etikës përjashtimin e 6 deputetëve demokratë, të cilët sipas socialistëve, në seancën plenare të 20 nëntorit krijuan kaos dhe tensione në Parlament.

Sipas socialistëve, deputetët demokratë që në nisje të seancës bllokuan foltoren e Kuvendit duke vendosur para saj si bllokadë, karriget e deputetëve, ku dy prej autorëve të këtij akti, janë deputeti Gazmend Bardhi dhe Flamur Noka.

Po ashtu, në shkresën e socialistëve thuhet se deputeti Bledjon Nallbati ka marrë nga çantat e deputeteve Sorina Koti dhe Albana Vokshi flakadanë, ndezja e së cilave krijoi kaos në sallë, duke dëmtuar pajisjen elektronike të votimit dhe duke rrezikuar që flakët të përhapeshin në sallë.

Deputetët socialistë kanë kërkuar përjashtimin për 6 deputetë: Flamur Noka; Bledion Nallbati; Gazment Bardhi; Albana Vokshi; Sorina Koti dhe Flamur Hoxha.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.