Publikimi i videos, shkarkohet kryetari i Bashkisë së Kukësit, Safet Gjici

Politikë | 3 vite më parë

Qeveria ka shkarkuar nga detyra kryetarin e Bashkisë së Kukësit, Safet Gjici. Vendimi u mor këtë të premte (16 qershor), pas publikimit të një video në platformat e komunikimit online, ku Gjici shfaqej në marrëdhënie intime në zyrën e tij.

Ishte Ministrja Delina Ibrahimaj e cila, pas mbledhjes së Këshillit të Ministrave, njoftoi vendimin e Qeverisë për shkarkimin “e menjëhershëm” të Gjicit.

“Këshilli i Ministrave mori një vendim për shkarkimin e menjëhershëm të kryetarit të bashkisë Kukës”, tha Ibrahimaj.

Gjici, i cili fitoi mandatin e dytë në krye të Bahskisë së Kukësit në zgjedhjet vendore të 14 majit, reagoi pas publikimit të videos duke njoftuar dorëheqjen e tij. Ndërkohë SPAK ka nisur procedimin penal për kryebashkiakun socialist të Kukësit.

/rtsh.al

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.