Raketa ruse mbi hapësirën ajrore të Moldavisë, jep dorëheqjen Kryeministrja Natalia Gavrilita

Botë | 4 vite më parë

Kryeministrja e Moldavisë Natalia Gavrilita ka dhënë dorëheqjen një vit e gjysmë pas fitores së zgjedhjeve të parakohshme në gusht të 2021. Presidentja e Moldavisë Maia Sandu ka pranuar dorëheqjen e Kryeministres.

“Kam marrë parasysh dorëheqjen e kryeministres Natalia Gavrilita. Sipas procedurave ligjore do të bëj konsultime me fraksionet parlamentare pas dorëheqjes së kryeministrit dhe më pas do të emëroj një kandidat për kryeministër” shkroi Sandu në Facebook.

Nuk dihet ende arsyeja e dorëheqjes, por dyshohet se ka lidhje me raketën ruse e cila kaloi në territorin e Moldavisë. Pak më herët, Ministri i Jashtëm i Moldavisë, Nicu Popescu ka udhëzuar autoritetet që të thërrasin urgjentisht ambasadorin rus, pasi qeveritë e Ukrainës dhe Moldavisë pretenduan se një raketë lundrimi ruse kaloi territorin e Moldavisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.