Rama: Kurrë nuk kam mbështetur vizatim kufiri mes Serbisë dhe Kosovës!

Politikë | 6 vite më parë

Kryeministri Edi Rama përgënjeshtroi një lajm të medias austriake,nga “Der Standard” ku në një artikull të datës 27 prill shkruan se kryeministri Rama, së bashku me presidentin e Serbisë, kanë vizatuar kufijtë Kosovë-Serbi. Kryeministri Rama e cilësoi të rreme lajmin ndërkohë që theksoi se kurrë nuk ka mbështetur ndonjë rishikim kufijsh përgjatë vijave etnike mes Serbisë dhe Kosovës.“derStandardat @webstandardat: Çfarë zhgënjimi të shikosh një gazetë me emër aq të madh të sillet si shpërndarës lajmesh të rreme! Unë nuk jam shprehur kurrë, as për një dokument jozyrtar “non-paper”, as për një hartë dhe kurrë nuk kam mbështetur ndonjë rishikim kufijsh përgjatë vijave etnike mes Serbisë dhe Kosovës. E turpshme”, sqaron zoti Rama në një postim në Twiter.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.