Rashford dhe Sancho shpëtojnë Unitedin, barazon me Leeds

Angli | 4 vite më parë

Përfundoi 2-2 sfida mes Manchester United dhe Leeds, që i përkiste javës së tetë të Premier League. Miqtë kaluan menjëherë në epërsi me Ëilfried Gnonto (1′), goli i dytë në ligë për italianin. Në minutën e 48-të ata dyfishuan me autogolin e Varane, i cili devijoi një krosim në zonë. Më pas “Djajtë e Kuq” shkurtuan me kokën me Rashford (62’) dhe barazuan në minutën e 70-të me anë të Sanços. Vetëm një pikë për Ten Hag.

Kështu, Manchester United nuk arrin të “përqafojë” në renditje Manchester City të Pep Guardiolës, tani +2 në vendin e dytë. Ndërsa Michael Skubala, i cili mori vendin e të shkarkuarit Jesse Marsch vetëm pak orë më parë, për pak ia doli të arrinte suksesin. Leeds u ngjit në 19 pikë, duke vazhduar serinë e tyre të lojërave pa fitore që ka zgjatur që nga 5 nëntori dhe mbetet pranë zonës së rënies.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.