Rinovimi i Yildiz një hap larg, Juventusi i ofron 6 milionë euro “xhevahirit” turk

Futboll Bota | 9 muaj më parë

Pasi i ka dhënë fanellën prestigjioze me numrin 10, Juventusi është gati ta bëjë Kenan Yildiz simbolin e ciklit të ri bardhezi.

Pas sondazheve të disa klubeve të mëdha europiane për këtë lojtar, “Zonja” ka përshpejtuar ditët e fundit hapat në bisedimet për rinovimin e kontratës së “xhevahirit” turk.

Kontrata e Yildiz skadon në qershor të 2029-ës.

Palët janë shumë afër marrëveshjes së re dhe firma mund të vijë brenda kësaj jave. Paga aktuale e lojtarit mund të kalojë nga 1.7 milionë euro neto në sezon deri në 6 milionë euro, plus bonuset.

Në këto kushte, Kenan Yildiz do të bëhej futbollisti më i paguar në organikën e Juventusit, po të llogarisim largimin e mundshëm të Dushan Vlahoviç në fund të sezonit.

juventus

rinovimi

Yildiz

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.