Për shkak të prodhimit të dobët këtë vit, çmimi i qepës ka pësuar rritje që në këtë periudhë .

Fermeri Kujtim Plangaj nga fshati Boks në Njësinë Administrative Postribë  prej 30 vitesh merret me kultivimin e qepës.

Ai thotë se kultivimi i pakët këtë vit si dhe kushtet jo të përshtatshme të motit ka bërë që të ketë qepë më pak në treg nga zona e Postribës.

“Çmimi është i lartë, 104 lek për kilogram në tregun e pakicës dhe 120 lek në tregun e shumicës, arsyeja është mungesa e prodhimit”, thotë fermeri.

Fermeri është i kënaqur pasi prodhimi po tërhiqet shpejt nga tregtarët e shumicës.

“Nuk e dimë nëse do ta përballojmë edhe këtë sepse nuk ka prodhim, ka mungesë vetëm nëse do të ketë qepë nga eksporti”, shprehet fermer Kujtim Plangaj.

Zona e Postribës në bashkinë e Shkodrës njihet si një ndër zonat me prodhimtari të lartë bujqësore. Por qepa është kultura e cila kultivohet për mbi 200 vjet në këtë zonë. Pothuajse shumica e banorëve këtu merren me kultivimin e saj.

/RTSH/