Rritet numri i lindjeve në maternitetin e Korçës. Ndryshe nga vitet e tjera ky fillim viti duket i mbarë për maternitetin e qytetit juglindor. Këtë fakt e pohon shefi i shërbimit në maternitetin e Korçës Mishel Papakozma i cili ka bërë me dije se vetëm gjatë muajit janar ka pasur 106 lindje, ndërkohë që janari i vitit të kaluar ka pasur vetëm 43 lindje. Po ashtu sipas tij në dy vitet e fundit numri i lindjeve në Korçë ka qenë i njëjtë, çka tregon se nuk kemi ulje të numrit të lindjeve.

“Në krahasim me 2022-2023 lindjet janë njëlloj, 745 lindje në vitet 2022-2023. Në fillimin e këtij vitit vetëm në janar janë 106 lindje dhe vëmë re një rritje të lindjeve”, tha Mishel Papakozma.

Nga ana tjetër Papakozma është shprehur se edhe numri i aborteve për vitin 2023 është pothuajse i njëjtë me atë të vitit 2022.

Ndryshe nga materniteti i Korçës, në spitalet bashkiakë të juglindjes së vendit, numri i lindjes ka qenë më i vogël krahasuar me vitet e mëparshme.

/RTSH/