Pas një viti moskomunikim, presidenti kinez  Xi Xhinping (Jinping) dhe homologu amerikan Xho Bajden (Joe Biden) zhvilluan një takim në rezidencën Filoli në San-Francisko.

Kreu i shtetit kinez vuri në dukje gjatë takimit se respekti i ndërsjellë, bashkëjetesa paqësore dhe bashkëpunimi me leverdi të ndërsjellë janë mësimet e nxjerra nga marrëdhëniet 50-vjeçare kinezo-amerikane, si edhe nga konfliktet midis vendeve të mëdha përgjatë historisë.

Sipas Xi dy superfuqitë nuk duhet të përpiqen ta ndryshojnë njëra-tjetrën, pasi konflikti dhe kundërvënia do të sjellinin pasoja të papërballueshme për të dy japalët.

“Kina nuk ka në plan ta tejkalojë apo zëvendësojë ShBA-në dhe as ShBA-ja nuk duhet të planifikojë ta shtypë dhe frenojë zhvillimin e Kinës”– tha ai.

Ndërkohë, presidenti amerikan Biden tha se marrëdhëniet ShBA- Kinë janë m arrëdhënia dypalëshemë e rëndësishme në botë, dhe se komflikti mes dyshtetve nuk është i pashmangshëm.

Ai tha se SHBA-të nuk kanë ndër mend të kërkojnë të ‘shkëputen’ nga Kina, as të pengojnë zhvillimin ekonomik të Kinës.

Gjatë takimit dy presidentët ranë dakord të nxisin dhe të forcojnë dialogun e bashkëpunimin ndërmjet dy vendeve në fusha të ndryshme, duke përfshirë inteligjencën artificiale, shtimn e përpjekjeve të përbashkëta për të trajtuar krizën klimatike sidhe ngritjen e një grupi pune mbi bashkëpunimin kundër narkotikëve.

Palët pranuan që, mbi bazën e barazisë dhe të respektit, të rinisin komunikimin e nivelit të lartë ndërmjet dy ushtrive.

Ky është takimi i pare ballë për ballë midis tyre pas samitit të vjetshëm në Bali të Indonezisë.

Në Bali, krerët e dy ekonomive më të mëdha arritën konsensuse në fusha të gjera.

Mirëpo nuk janë vërë në praktikë si duhet për shkak të tensioneve në marrëdhëniet dy palëshe.

Gazetar: Artur Mata

/rtsh.al/