Së bashku me djalin e Adem Jasharit, Albin Kurti në Tiranë për Kombëtaren: Evropiani po na pret

Aktualitet | 3 vite më parë

Kryeministri i Kosovës, Albin Kurti është nisur drejt Tiranës për t’i ardhur në mbështetje kombëtares së futbollit.

Së bashku me Lulzim Jasharin, djalin e heroit Adem Jashari, Kreu i qeverisë së Kosovës, po udhëton drejt Tiranës në mbështetje të Kombëtares, për ndeshjen e sotme me Çekinë.

“Bashkë me Lulzim Jasharin rrugës për Tiranë në përkrahje të Shqipërisë. Forca djema. Evropiani po na pret”, shkruan Kurti.

Ndeshja Shqipëri – Çeki do të luhet në 20:45 në stadiumin “Air Albania”.

Kujtojmë se Kryeministri Kurti ka konfirmuar se do të marrë pjesë dhe në Samitin e Procesit të Berlinit, që do të mbahet në Tiranë më 16 tetor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.