Seanca në GJKKO, Sali Berisha refuzon sërish të paraqitet

Politikë | 3 vite më parë

Ish-kryeministri Sali Berisha nuk është paraqitur as këtë të hënë para Oficerit të Policisë Gjyqësore të BKH, sikundër e detyron vendimi i GJKKO-së.

Kjo është hera e dytë që ish-kryeministri refuzon të zbatojë këtë vendim.

Berisha e ka quajtur anti kushtetues vendimin për masat e sigurisë të marrë për të, sipas tij SPAK duhej ti drejtohej Kuvendit.

Berishës i është caktuar masa e sigurisë “detyrim paraqitje” dhe “ndalim i daljes jashtë shtetit”.

Sali Berisha dhe dhëndri i tij, Jamarbër Malltezi i cili ndodhet në burg, po hetohen për korrupsion pasiv për aferën e privatizimit të ish- kompleksit ‘Partizani’.

Avokatët kërkuan pushim për seancën e ankimit të Sali Berishës dhe Jamarbër Malltezit për shkak të materialit të shumtë për shqyrtim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.