Të hënën e 4 shtatorit nis punimet sesioni i ri parlamentar me seancën e orës 10-të.

Për përcaktimin e programit dhe kalendarit të punimeve Kryetarja e Kuvendit Lindita Nikolla ka thirrur të premten në orën  11-të mbledhjen e konferencës së kryetarëve të grupeve parlamentare.

Situata konfliktuale e demokratëve pritet të reflektohet edhe në Kuvend, përkatësisht në përbërjen e grupit parlamentar, pasi  deputetët janë pozicionuar në mbështetje të Berishës, Bashës dhe të Bardhit. Ndërsa Gazment Bardhi njihet zyrtarisht nga Parlamenti si Kryetar i Grupit Parlamentar Demokrat, ende është e paqarte nëse do të njihet si i tillë edhe nga mbështetësit e Berishës  apo te Bashës, të cilit i kanë mbetur besnik  më pak se 10-të deputetë.

Berisha ka njoftuar mbledhjen e grupit parlamentar paraditen e së premtes, ku me gjasë duhet të vendosë për kreun e grupit, një vakancë që u krijua pas dorëheqjes së Luçiano Boçit, për shkak të zgjedhjeve të 14 majit.

Gazetare: Anisa Kadesha

/RTSH/