Shaip Kamberi fitoi mandatin e katërt, Begaj: Mbështetje për shqiptarët e Preshevës

Kosovë | 3 vite më parë

Presidenti Bajram Begaj ka uruar deputetit Shaip Kamberi për mandatin e katërt parlamentar në Kuvendin e Serbisë.

Udhëheqës i Partisë për Veprim Demokratik, që përfaqëson shqiptarët e Luginës së Preshevës, mori 11.500 vota të mjaftueshme për t’u bërë deputet.

“Urime Shaip Kamberi për rizgjedhjen në Parlamentin e ri të Serbisë.

Uroj që roli dhe kontributi juaj të vijojë t’i shërbejë të gjithë shqiptarëve të Luginës së Preshevës, për adresimin e të drejtave të tyre legjitime. Mbështetja e Shqipërisë nuk do të mungojë!” shkroi presidenti Begaj në rrjetet sociale.

Në zgjedhjet e përgjithshme të parakohshme në Serbi, shqiptarët e Luginës së Preshevës nuk arritën të krijojnë një koalicion të përbashkët.

Të drejtë vote kishin 112 mijë votues nga Kosova, përfshirë shqiptarët e Luginës dhe serbët e Kosovës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.