Shefi i agjencisë së refugjatëve të Kombeve të Bashkuara akuzoi sot Rusinë për shkeljen e “parimeve themelore të mbrojtjes së fëmijëve në situata lufte” duke u dhënë fëmijëve ukrainas pasaporta ruse dhe duke i detyruar për birësim. 

“Në situatë lufte, ju nuk mund të përcaktoni nëse fëmijët kanë familje apo kujdestari. Dhe prandaj, derisa kjo të sqarohet, nuk mund t’u jepni atyre një shtetësi tjetër ose t’i birësoni nga një familje tjetër”, u shpreh Filippo Grandi, komisioneri i lartë i Komisionerit të Lartë të Kombeve të Bashkuara për Refugjatët.

 Për shkak të aksesit të kufizuar në Rusi, Grandi tha se ai nuk mund të jepte statistika sepse ishte “e vështirë të përcaktoheshin aspektet konkrete” për të përcaktuar numrin e fëmijëve të cilëve u ishin dhënë pasaporta ose ishin vendosur për birësim.

“Ne po kërkojmë akses gjatë gjithë kohës dhe qasja ka qenë mjaft e rrallë dhe sporadike” shtoi ai. 

Nga ana tjetër, Rusia kishte hedhur poshtë më parë akuzat se fëmijët ukrainas janë rrëmbyer. 

“Ne refuzojmë kategorikisht pretendimet e pabaza se autoritetet ruse po rrëmbejnë fëmijë”, tha diplomati rus në Kombet e Bashkuara Dmitry Polyansky vitin e kaluar, raportoi media shtetërore ruse TASS. 

/rtsh.al/