Shembja e godinës së Teatrit Kombëtar, SPAK merr në pyetje Hervin Çulin

Politikë | 4 vite më parë

Prokuroria e Posaçme vijon hetimet për shembjen e Teatrit Kombëtar. Ditën e sotme (13 shtator), SPAK ka marrë në pyetje ish-drejtorin e Teatrit Kombëtar Hervin Çuli në cilësinë e personit që ka dijeni për shembjen e godinës. Çuli ka qëndruar rreth tre orë në ambientet e SPAK duke dhënë deklarimet e tij për shembjen e godinës.

Hetimet nga ana e SPAK kanë nisur pas kallëzimeve të depozituara nga Aleanca për Mbrojtjen e Teatrit, sipas të cilëve provat e depozituara në Prokurorinë e Posaçme vërtetojnë shkeljet penale të Kryebashkiakut Veliaj për shembjen e godinës së Teatrit Kombëtar. Godina e Teatrit Kombëtar u shemb orët e para të të 17 majit të 2020, ndërsa vendimi u kundërshtua nga Aleanca për Mbrojtjen e Teatrit, artistë dhe politikanë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.