14 nga 26 monumentet e kulturës në juridiksionin territorial të Bashkisë së Finiqit, janë objekte kulti.

Shumica e tyre me vlera të veçanta historike dhe arkitekturore.

Madje tre prej tyre janë shumë  interesante pasi janë ndërtuar brenda në shpella. Siç janë Manastiri i Kostarit, Manastiri i Shenjtores Marina në Vagalat, si dhe kishëza e Shën Gjergjit në Dhivër.

Gjatë muajve të parë të vitit 2024 vihet re një shtim i vizitorëve në objektet e kultit, çka krijon shumë premisa për zhvillimin e turizmit fetar.

Megjithatë, përfaqësuesi i Bashkisë në Finiq, kërkon shtimin e kopetencave të pushtetit vendor, përsa i përket menaxhimit të objekteve të kultit, që janë shpallur monumente kulture.

Njëkohësisht, alternimi i turizmit fetar me vizita në site arkeologjike, parqe natyrore, si dhe me kulinarinë e zonës, mbeten objeksioni kryesor i drejtuesve vendorë.

/rtsh/