“Studentët dhe tregu i punës” u titullua panairi që çeli një javë aktivitetesh studentore pranë universitetit “Fan Noli” në Korçë.

Për herë të parë këtë vit u bënë bashkë institucionet e bizneset e ndryshme të cilët paraqitën ofertat e tyre të punës në ambientet e Fakultetit të Ekonomisë, ndërsa studentët e interesuar u njohën me kërkesat e tregut.

Java studentore do të përfshijë një sërë aktivitetesh si leksione të hapura dhe prezantime të rasteve të suksesit nga ish studentë të mirë integruar në tregun e punës, leksione mbi ditën e Europës dhe ndërgjegjësimin e studentëve për të qenë qytetarë europianë, veprimtari të ndryshme mbi impaktin shoqëror të studentëve, dhurim gjaku, ndërsa gjithçka do të përmbyllet me një konferencë studentore ku do të prezantohen kërkimet e tyre në profile të ndryshme.

Gazetare: Kostanca Koçi

/rtsh.al/